မြန်မာသံရုံး၌ထိမ်းမြားလက်ထပ်ခြင်း

မြန်မာနိုင်ငံသားများ မြန်မာသံရုံး၌ထိမ်းမြားလက်ထပ်ခြင်း

၁။ ကိုရီးယားသမ္မတနိုင်ငံသို့ ရောက်ရှိနေသော မြန်မာနိုင်ငံသား အမျိုးသားနှင့် အမျိုးသမီး တို့အနေဖြင့် မြန်မာသံရုံး၊ဆိုးလ်မြို့၌ နှစ်ဦးသဘောတူ လက်ထပ်လက်မှတ် ရေးထိုးနိုင်ရေး လျှောက်ထားနိုင်ပါသည်။

၂။ သံရုံး၌လာရောက်လက်ထပ်ရန် လျှောက်ထားသူများအနေဖြင့် အောက်ဖော်ပြပါစာရွက် စာတမ်းများအား ပူးတွဲတင်ပြလျှောက်ထားရမည်-

ကိုယ်ရေးလျှောက်လွှာ(သတို့သားနှင့် သတို့သမီးတို့မှ လက်မှတ်ရေးထိုးထားရမည်။)
လျှောက်ထားသူနှစ်ဦး၏ ကိုယ်ရေးရာဇဝင်(သံရုံး၌လည်းကောင်း၊ အောက်တွင်ပါရှိသည့် Link ၌လည်းကောင်း ရယူနိုင်ပါသည်။)
လျှောက်ထားသူနှစ်ဦး၏ ကိုယ်ရေးမှတ်တမ်း (သံရုံး၌လည်းကောင်း၊ အောက်တွင်ပါရှိသည့် Link ၌ လည်းကောင်း ရယူနိုင်ပါသည်။)
ရောင်စုံဓါတ်ပုံ (၂) ပုံ (၆ လအတွင်း ရိုက်ကူးထားသောနောက်ခံအဖြူဓါတ်ပုံ၊ နားရွက်ပေါ်၍ မျက်နှာပေါ်တွင်ဆံပင်ဖုံးအုပ်ခြင်းမရှိစေရ၊အရွယ်အစား ၂”x၂”၊ နောက်ခံအဖြူ) (တစ်ပုံ အား ကိုယ်ရေးရာဇဝင်၌လည်းကောင်း၊ ကျန်တစ်ပုံအား စာရင်းရေးသွင်းသည့်စာအုပ်၌ လည်းကောင်း ကပ်ရမည်။)
လျှောက်ထားသူနှစ်ဦး၏ မြန်မာနိုင်ငံကူးလက်မှတ်မိတ္တူ
လျှောက်ထားသူနှစ်ဦး၏ မှတ်ပုံတင်မိတ္တူ
နှစ်ဖက်မိဘမှ နှစ်ဦးသဘောတူလက်မှတ်ရေးထိုးခြင်းအတွက် ကန့်ကွက်ရန်မရှိကြောင်း လက်မှတ်ရေးထိုးထားသည့် စာမူရင်း
လက်ထပ်မည့်သူနှစ်ဦး၏ မိဘ(သို့မဟုတ်) အုပ်ထိန်းသူမှ လက်ထပ်မည့်သူများသည် အိမ်ထောင်မရှိသူ၊ လူပျို/အပျို ဖြစ်ကြောင်း မြို့နယ်တရားရုံးတွင် ကျမ်းကျိမ်ထားသည့် ကျမ်းကျိမ်လွှာ
လက်ထပ်မည့်သူနှစ်ဦးအတွက် မြန်မာနိုင်ငံရှိ သက်ဆိုင်ရာ မြို့နယ်ရုံးမှ ရပ်ကွက် ထောက်ခံစာ
လက်ထပ်မည့်သူနှစ်ဦးအတွက် မြန်မာနိုင်ငံရှိ သက်ဆိုင်ရာ မြို့နယ်ရဲစခန်းမှ ရဲစခန်း ထောက်ခံစာ
အိမ်ထောင်စုစာရင်းမိတ္တူ

မှတ်ချက်။ လိုအပ်ပါက သံရုံးမှ ထပ်မံတောင်းခံသည့် အထောက်အထားများအား တင်ပြရမည်။