၁။ COVID-19 ကူးစက်ရောဂါကာလတွင်း၌ ပြည်ပနိုင်ငံများတွင် အခက်အခဲဖြစ်နေသော မြန်မာနိုင်ငံသားများအတွက် မြန်မာသံရုံး၊ ဆိုးလ်မြို့မှ စီစဉ်သည့် အပတ်စဉ်ပုံမှန် အင်ချွန်းအပြည်ပြည်ဆိုင်ရာလေဆိပ်မှ ရန်ကုန်မြို့သို့ ပျံသန်း ပြေးဆွဲပေးနေသည့် ကယ်ဆယ်ရေးလေယာဉ်အပြင် မြန်မာသံရုံး၊ ဝါရှင်တန်ဒီစီနှင့် မြန်မာသံရုံး၊ ဆိုးလ်မြို့တို့ ညှိနှိုင်း၍ အထူးအစီအစဉ်အဖြစ် ၂-၈-၂၀၂၀ ရက်နေ့တွင် ကယ်ဆယ်ရေးလေယာဉ်တစ်စီး တိုးမြှင့်ပြေးဆွဲပေးခဲ့ပါသည်။ အဆိုပါလေယာဉ်၌ အမေရိကန်ပြည် ထောင်စုမှ မြန်မာနိုင်ငံသား (၇၀) ဦး၊ ကိုရီးယားနိုင်ငံမှ မြန်မာနိုင်ငံသား (၂၀) ဦးနှင် သင်္ဘောသား (၁၀) ဦးတို့စီးနင်းလိုက်ပါခဲ့ကြပြီး လေယာဉ်သည် အင်ချွန်းအပြည်ပြည်ဆိုင်ရာလေဆိပ်မှ ရန်ကုန်သို့ ၁၆:၄၅ နာရီတွင် ထွက်ခွာသွားခဲ့ပါသည်။
၂။ အဆိုပါလေယာဉ်ခရီးစဉ်၌ လိုက်ပါကြသည့် ခရီးသည်များ လေဆိပ်၌ အခက်အခဲတစ်စုံ တစ်ရာမရှိစေရန်အတွက် မြန်မာသံရုံး၊ ဆိုးလ်မြို့မှ ဝန်ထမ်းများသည် ယင်းနေ့တွင် လေဆိပ်သို့ သွားရောက်၍ လိုအပ်သည်များ ကူညီဆောင်ရွက်ပေးခဲ့ပါသည်။